Welcome to the Cape Overberg, South Africa

Main Menu

Search the Business Directory

Advertising & Info

List your Business

Advertising Rates

FAQs

Overberg Photo Gallery

Subscribe to our Newsletter and receive one monthly e-mail with news updates and special offers.

Home

Hermanus Times Kalfiefees

Die Hermanus Times Kalfiefees val vanjaar sommer vroeg in Augustus al weg met ’n wye verskeidenheid van produksies wat in iedereen se smaak sal val.

Hermanus Times Kalfiefees: 8 - 13 Augusuts 2006

Omdat die vakansiedag, Vrouedag, vanjaar in die middel van die week val, begin die fees reeds op Dinsdagaand, 8 Augustus, en duur tot Sondagaand, 13 Augustus.

Met die vooruitsigte van ’n moontlike kouer winter as gewoonlik gepaard met kragonderbrekings val die klem vanjaar sterk op humor en komedie.

Die fees begin met Die Tafel, ’n kykie na hoe die huwelik oor die jare sy nogal snaakse loop kan neem. Pedro Kruger en Marion Holm, nou reeds ’n gedugte span, speel hierin onder leiding van Hennie van Greunen. Marion sit die volgende dag die pret voort met haar nuwe produksie Braaivleis, Rugby, Sunny Skies en. . . Sussie!

Besoek die Kalfiefees Webwerf vir meer besonderhede: http://www.kalfiefees-hermanus.co.za .

Leon Kruger kom lewer ook weer ’n bydrae, hierdie keer met Suuurgat. En Pedro steek ook nie lyf weg nie. Hy kom met’n splinternuwe verwerking van sy trefferstuk Lyf.

’n Hoogtepunt is die komedie Art of Charf, die nuwe stuk van Paul Slabolepszy met Elize Cawood en Wilson Dunster. Die regisseur is Bobby Heaney. Dit is voorwaar ‘n treffer.

Nog ’n treffer is die Francois Toerien Show wat die lagspiere behoorlik prikkel. Eric Nobbs is vanjaar weer eens hier, hierdie keer met ’n nuwe stuk van Deon Opperman, Die wederopstanding van Japie Coetzee.

Opperman het vanjaar die Hertzogprys gewen vir onder andere Boetman, my seun wat verlede jaar hier te sien was. Nog ’n nuwe stuk is dié van Athol Fugard, naamlik Booitjie and the Oubaas met Marius Weyers in die hoofrol en Janice Honeyman, nou ook ’n inwoner van hierdie kontrei, as regisseurse. Van Janice kom daar ook die heerlike WAM (Wolfgang Amadeus Mozart), ’n stuk vir kinders met oorspronklike musiekverfwerkings en Nicole Holm en Leon Kruger onder andere in die hoofrolle. Die regisseuse is die alombekende Juanita Swanepoel. ’n Besondere voorreg is die premiére van ‘n nuwe stuk deur Wilna Snyman met Deon Opperman as regisseur. Die naam van die stuk is nog nie bekend nie, maar daar word oraloor uitgesien daarna om weer hierdie doyenne van die verhoog in lewende lywe te sien en nie op TV nie.

Daar is ook vanjaar meer klem op laataand-musiek. ‘n Groot verrassing wag om later bekend gemaak te word. Intussen het die Pasella-aanbieder Charleen Truter reeds ingestem om te kom sing, asook Emile Minnie, en die nuwe jong hartebreker Philip de Villiers. Op die gebied van ernstige musiek kom Zorada Themming met The Hunchback of Nortre Dame, ’n orreluitvoering wat ’n mens se asem wegslaan en haar ook vanjaar by die KKNK ’n spesiale Kanna-prys besorg het.